صاØب السمو ال٠مـديـر الـمـنـتـدى
عدد المساهمات : 114 تاريخ التسجيل : 31/12/2008
| موضوع: قصائد لشاعر المرحوم الشاعر بندر بن سرور... الخميس يناير 22, 2009 12:21 pm | |
| بسم الله الرحمن الرحيم
السلام عليكم ورحمته الله وبركاته
اليوم جايبلكم قصائد لشاعر المرحوم الشاعر بندر بن سرور.. يقووول..>>
متى يجي في نجد بعض التدابير*** حتى يجي للصابرين انفراجي يالله ثبتني على الارض لا اطير ***لين اشرب الشاهي واكل علاجي علاج راسي حبتينن بقصدير ***اللي عليهن رسمهن بزدواجي ويامنير اخذ الفرت واخذ الفواتير ***واحرص عليه ودخله بالكراجي ان كان يبغى زيت عب المواصير ***وان كان يبغى نار غير بواجي واليا استعد وضخر البعد تصخير ***تصخير شيهانن لفرخ الزراجي عده على اللي مايعد المخاسير ***ركاز عمدان الخشب للنعاجي تم قل لبو ماجد ترى وقتنا غير ***واتبدلت سحب المطر بالعجاجي
(2)
الله من عين طرقها صواديف عميت ويبسن بالعروق الصخافي شفت الوزا بالعين من عرض ماشيف شفته وغيري من فطن له وشافي وقت تغير فيه حتى العواصيف جا في عواصيف الرياح أختلافي شره قناطير وخيره مقاطيف يفطن له اللي يرضع الديد غافي كم واحد جاله زمانه على الكيف واغترته نفسه يبا الجود وافي يطلع مطاليع العلا بالسواليف بين العذارى عد روحه سنافي يفرح بهرج بالقفى يكره الضيف قتات والقتات بالنار هافي يعلق قصيره علقة النار بالليف عي ولد عي زنوده ضعافي ان رخصت الحذوه توفي عن الحيف وان غليت الحذوه مشى اللاش حافي يرقد ويلحق والدينه تخاليف دايم ومرقد ميت النار دافي هو مادرى ان الجود يبغى تكاليف سهر الليالي مقبلات مقافي يبغى يدين للعطايا مغاريف ويبغى رجول ماتمل الوقافي والصبر بنحور السنين الشواحيف اللي قساها مثل حد الرهافي مايقدرون الجود سود الأطاريف مشاركة بيض النسا باللحافي
يقدر عليه اللي حكم نجد بالسيف واودع مباغيض القبايل ولافي عبد العزيز اللي يبث المصاريف يجدع قناطير الذهب بالفيافي يمشي على دربه جموع مراديف نو تحدر ماه والجو صافي يشدي لواقيط الزبيدي بعد ريف ومما كسى البيدا تفيد الضعافي
(سر ياقلم)
سر ياقلم مالي على الصبر طاقه صبري تعدى الحد ماعاد ينطاق أكتب لمثلي قصته واشتياقه في خطك الواضح على بيض الأوراق قصة حزين صافي الحر ذاقه انا بذكره ماصله خاطري ضاق باقو به الأصحاب والوقت باقه وصار الضحيه بين باير وبواق يمشي وهو ماحس في كسر ساقه امسى على ساقين واصبح على ساق مهذي سواة الوقت شين اصطفاقه الوقت لو يصفى لك ايام دراق لاشك يامن معك عقل ولباقه بنصحك كان انك للأمثال تشتاق صادق رجال يعرفون الصداقه يقفون صفك يوم يبسات الأرياق ومن يرغب فراقك فعجل فراقه جاز الذي يجزيك أفراق بفراق يقوله اللي جاير الوقت عاقه ولازال في غيبوبة الهم مافاق حظه على اقشر شي للنفس ساقه بقبور الاحياء ينتظر يوم الأطلاق
(الشاور غشاني)
من بلاد الشام جينا بالمكينه فوق فرت ماتخثع بالطماني يحتدي مثل الجمل تسمع رطينه مع طمان القاع مثل الثعلباني والشفير من المدارس مطلعينه عيدهي يجدعه جدع الحصاني قذلة الطربوش ناطلها يمينه عن ظلام الليل شب الكهرباني ماتجيه يسار رجله شوف عينه غير يسر الطاركي باليماني يوم قال له الخوي عاشت يمينه شد رجله للكمك واحد وثاني يالله انك تنصره من نصر دينه ان عطى له مع غبا والا بياني قلت يالمطنوخ انا عيني حزينه عن شراب اللف ابيه وعنك كاني قد رمى بالكيس قدمي قال وينه دوك مابالجيب عن شي لهاني يقصد الكبريت معي منه عينه قد منا تلت غراميل متاني قلت ثالث قال يالله لاتهينه قلت خامس قال قير يطلب نقل ثاني قالت واحد والكمك ظام المكينه قال لي من يرحم القاسي لياني قلت والله يرحمونه صانعينه قد زعلت من اللهيب اللي غشاني قال ماتاثق بذمه مقننينه عن مشاور غير عرفي قد كفاني قاطع عرقين مدري وين وينه قد وصلت الأرض واسمع صوت ثاني يوم يرفع موخره قو المكينه يرتخي صدره وانا الشاور غشاني قلت دوك اللف خابو شاربينه غطني عن شوف شي قد غشاني قال عن وقلت بأيا لحينه قال قل ناسي خوي مانساني قلت عاش الشيخ واللي ناجبينه عادة الطيب اليا جا الجد عاني
( لاتجربونه)
ياهل الونيت اللي يبي مشتل البيب مادق صدره بالخطوط الغزيره يوم يتخثع مع محير الأداعيب يشدي تخثع جادل في حريره لاتجربونه مايبي الفرت تجريب قد جربه بالبيت الأبيض خبيره عدوه لابن حزام سيد اللواعيب لعاب زينات البيوت العسيره ثم قل لقاعد مانبي منه تدريب الوقت دربنا على كل سيره لو كل من قاد السبب يعلم الغيب ياما كرهت النفس من باب خيره ان قفت الأيام ماها مغاريب واليا اقبلت يازين صافي غديره قل له رميت الكيس بين الشواريب واليوم ادوج مالقيت اتعميره
وســـلامــتكــم ..
وصح الله لسان الشاعر..
تقبلوا تحياتي..
مــديــر المنتدى/
عدل سابقا من قبل أسير القلوب في الأربعاء مارس 11, 2009 3:25 pm عدل 1 مرات | |
|
الأمير عـضـو مـبـتدئ
عدد المساهمات : 14 تاريخ التسجيل : 02/01/2009 العمر : 34
| |
صاØب السمو ال٠مـديـر الـمـنـتـدى
عدد المساهمات : 114 تاريخ التسجيل : 31/12/2008
| موضوع: رد: قصائد لشاعر المرحوم الشاعر بندر بن سرور... السبت يناير 31, 2009 10:22 am | |
| مشكوووور يا الأمير وبيض الله وجهك على الرد الحلووو يسلموووو...
تحياتي لكــ
مدير المنتدى/ | |
|